بۆ پێدانی زەوی داوای وردەکاریی فەرمانبەرە سوودمەند نەبووەکان دەکرێت

ئاڤا نیوز

 

وەزارەتی شارەوانی بۆ پێدانی زەوی بە فەرمانبەرە سوودمەند نەبووەکان دەستی بە ڕێکارەکان کردووە و ئێستاش بۆ پێدانی زەوی داوای ناو و زانیاری لەبارەیانەوە دەکات.

 

وێنە گەورەکە: ڕۆژی 27ـی مانگی ئاداری ڕابردوو سەرۆکوەزیران بارزانی، نۆ بڕیاری لە بەرژەوەندیی هاونیشتمانیان دەرکرد کە یەکێک لەوانە دابەشکردنی زەوی بوو بەسەر فەرمانبەرە سوودمەند نەبووەکان.

 

نووسراوی فەرمی: بەڕێوەبەرایەتیی کارگێڕی و سەرچاوە مرۆییەکانی ئیدارەی سەربەخۆی سۆران بە نووسراوێک داوای لە قایمقامیەتەکانی سنوورەکانی کردووە، زانیاری لەبارەی (ناوی چواری، ناونیشانی وەزیفی، ڕێککەوتی دەستبەکاربوونی بۆ یەکەمجار و سوودمەندبوون یاخود نەبوون لە وەرگرتنی زەوی) بەزووترین کات بۆیان ڕەوانە بکەن. 

 

بۆچی گرنگە: بڕیارەکە نزیکەی 200 هەزار فەرمانبەر دەگرێتەوە و لە سنووری جوگرافی کارکردنیان زەوییان پێدەدرێت.

 

باکگراوند: ماوەی 18 ساڵە پرۆسەی دابەشکردنی زەوی لە هەرێمی کوردستان وەستاوە، بڕیارەکەی ئەمساڵیش سەرجەم فەرمانبەرانی هەمیشەیی مەدەنی و سەربازی دەگرێتەوە.