لە عێراق سەدان هەزار هاووڵاتی بە نایاسایی مووچە لە حکومەت وەردەگرن

ئاڤا نیوز

 

لە عێراق بە سەدان هەزار کەس کە مەرجی یاسایی نایانگرێتەوە، ناویان لە لیستی مووچەی دەستەبەری کۆمەڵایەتی هەیە، حکومەتی عێراق هەڵمەتی پاکتاوکردنی ئەو ناوانەی دەستپێکردووە و مووچەی هەزاران کەسی بڕیوە.

 

چیرۆکی سەرەکی: لە ساڵی 2015 سندووقی دەستەبەری کۆمەڵایەتیی لە عێراق دامەزرا، بۆ هاوکاریکردنی نەخۆش و کەمئەندامان کە مانگانە بڕە پارەیەکیان بۆ دابیندەکات، بەڵام بەشێکی زۆر لەوانەی ئەو پارەیە وەردەگرن مەرجی یاساییان تێدا نییە بۆ وەرگرتنی ئەو مووچەیە.

 

ڕاگەیێنراوی فەرمی: "لە ماوەی دوو ساڵی ڕابردوودا 250 هەزار کەس لە لیستی مووچەی دەستەبەری کۆمەڵایەتی دەرکراون و بڕی 90 ملیار دینار گەڕێنرایەوە خەزێنەی حکومەت" ئەحمەد ئەلموسەوی، سەرۆکی دەستەی دەستەبەری کۆمەڵایەتی عێراق وای گوت.

 

ئەوەی پێویستە بیزانیت: حەوت ملیۆن و 600 هەزار کەس مووچەی دەستەبەری کۆمەڵایەتیی وەردەگرن، ساڵانە چوار تریلیۆن و717 ملیار دیناریان لە چوارچێوەی سندووقی دەستەبەری کۆمەڵایەتی بۆ خەرج دەکرێت.