لە کەرکووک هەزاران ئەندازیار بێکارن

ئاڤا نیوز

 

لە کەرکووک هەزاران ئەندازیار بەدوای هەلی کاردا دەگەڕێن و ماوەیەکی زۆرە دانەمەزراون.

 

وێنه‌ گه‌وره‌كه‌: لقی کەرکووکی سەندیکای ئەندازیارانی عێراق  ڕایگەیاند، هەزاران ئەندازیار لە پارێزگای کەرکوک هەلی کاریان دەست ناكه‌وێت و بەوهۆیەوەش ڕوویان لە ناوچەکانی دیکەی عێراق کردووە. 

 

ڕاگەیێنراوی فەرمی: عەبدولواحید غایب، لێپرسراوی لقی کەرکووکی سەندیکای ئەندازیارانی عێراق ڕایگەیاند، لە کەرکوک 11 هەزار ئه‌ندامیان هەیە، به‌ڵام زۆربه‌یان بێکارن یاخود لە دەرەوەی پسپۆڕییەکانیان کار دەکەن.

 

باکگراوند: ساڵانه‌ سەرجەم چین و توێژەکانی شاری کەرکووک گردده‌بنه‌وه‌ و داوا له‌ حكومه‌تی خۆجەیی ده‌كه‌ن هەلی کاریان بۆ بڕەخسێنێت.