دروستکردنی ڕێڕەوی پایسکلسواری لە هەولێر دەستپێدەکات

ئاڤا نیوز

لە هەولێر ئامادەکارییەکان بۆ دروستکردنی پڕۆژەی ڕێڕەوی پایسکلسواری دەستیپێکردووە، ئەمڕۆش لە پارێزگای هەولێر کۆبوونەوەیەک بە ناوی (به‌ره‌و هه‌ولێرێكی پاسیكل دۆست) کراوە.

وێنە گەورەکە: دروستکردنی ڕێڕەوی پایسکلسواری لە شاری هەولێر بە ئامانجی پاککردنەوەی ژینگە، کەمکردنەوەی كاریگه‌رییه‌كانی گۆڕانه‌كانی كه‌شوهه‌وا، ڕێگه‌خۆشكردن بۆ زیادكردنی ڕێژه‌ی سه‌وزایی، كه‌مكردنه‌وه‌ی ده‌ردانی گازه‌ ژه‌هراوییه‌كان له‌ رێگه‌ی ئۆتۆمبێل و هۆكاره‌كانی دیكه‌ی گواستنه‌وه‌یە.

لێدوانی فەرمی: نەبەز عەبدولحەمید، قایمقامی قەزای ناوەندی هەولێر بە ئاڤا نیوزی گوت: یەکێکە لە پڕۆژە ستراتیژییەکانی حکومەتی هەرێمی کوردستان، سەرەتا وەک تێست لەسەر ڕێگای بەحرکە دروستکراوە و لەم نزیکانە پڕۆژەکە بە فراوانی دەستپێدەکات.
 

زانیاریی زیاتر: "پڕۆژەکە بە ستانداردی جیهانییە، بەجۆرێک دیزاین کراوە لە هەموو ڕێگاکان بێتەوە ناو شار، بەڵام پێویستی بە ڕێکخستنەوەی شەقامەکان هەیە، بەڵام بەدڵنیاییەوە سەرکەوتوو دەبێت." نەبەز عەبدولحەمید ئەمەی گوت.

ئەوەی پێویستە بیزانیت: کۆبوونەوەکەی ئەمڕۆ پێنجشەممە بۆ تەواوکاری قۆناغی دەستپێکردن بووە و بڕیاردراوە سوود لە ئەزموونی پاریسی دەستەخوشکی هەولێر و وڵاتی هۆڵەندا وەربگیرێت.