گرێبەستێک بۆ ساغکردنەوە و بەبازارکردنی بەرهەمی جووتیارانی هەرێمی کوردستان واژۆ کرا

ئاڤا نیوز

 

گرێبەستێکی دیکە کە خزمەت بە جووتیاران و بەرهەمی ناوخۆ دەکات، لە نێوان ژووری بازرگانی هەولێر و وڵاتی ئیمارات واژۆ کرا.

 

وێنەگەورەکە: لەسەر دەمی کابینەی نۆیەم دا بەرهەمی هەنار و هەنگوین، ترش(سماق) و برنجی کوردی و پەتاتە ڕەوانەی بەشێک لە وڵاتانی ئەوروپا و ئاسیا کراوە و ئێستاش هەناردەکردنی پەتاتە بەردەوامە.

 

بۆچی گرنگە: گرێبەستە دەبێتە هۆی زیاتر ساخکردنەوە و هەناردەکردنی بەرهەمی جووتیاران بۆ دەرەوەی وڵات و سوودی زیاتری ئابووریش بە جووتیاران و حکومەت دەگەیێنێت.

 

ڕاگەیێنراوی فەرمی: ئومێد خۆشناو، پارێزگاری هەولێر لە کۆنگرەیەکی رۆژنامەوانیدا ڕایگەیاند: سەرۆکوەزیران بارزانی، هەموو پاڵپشتیەکی بۆ جووتیاران و بەرهەمی نێوخۆ نیشانداوە و کارئاسانی زیاتریش بۆ کۆمپانیاکانی وەبەرهێنان دەکەین و دەمانەوێت ببینە وڵاتێکی وەبەرهێنەر.

 

لێدوانی فەرمی: گەیلان حاجی، سەرۆکی ژووری بازرگانی و پیشەسازی هەولێر لەوبارەیەوە بە ئاڤا نیوزی گوت:" گرێبەستەکە لە نێوان کۆمپانیای ئەورلی خۆماڵی و نجوم سەفوانی ئیماراتی واژۆکرا، کە بازار بۆ بەرهەمە کشتووکاڵیەکانی هەرێمی کوردستان دەدۆزێتەوە".