وەزیری شارەوانی: پاڵپشتی کەرتی تایبەت دەکەین وەبەرهێنان لە کەرتی گەشتوگوزار بکەن

ئاڤا نیوز  

وەزیری شارەوانی و گەشتوگوزاری هەرێمی کوردستان سێ پرۆژەی گەشتیاری نوێی لە قەزای شەقڵاوە کردەوە کە لەلایەن کەرتی تایبەت دروست کراون.

وێنە گەورەکە: گەشتاریی وەک بنەمایەک بۆ زیادکردنی داهات و فرەچەشنکردنی سەرچاوەکانی داهات دادەنرێت، بۆیە حکومەتی هەرێمی کوردستان بە پلانی تایبەت کار لەسەر بەرەوپیشبردنی کەرتی گەشتوگوزار دەکات.

لێدوانی فەرمی: ساسان عەونی، وەزیری شارەوانی و گەشتوگوزار بە ئاڤنیوزی گوت: یەکێک لە کارنامە سەرەکیەکانی کابینەی نۆیەمی حکومەتی هەرێمی کوردستان بەرزکردنەوەی ئاستی گەشتوگوزارە، تەواوکەری هەوڵەکانی حکومەتیش بەشداری بەشداری کەرتی تایبەتە لەو بوارەدا ، بۆیە پاڵپشتی لە کەرتی تایبەت دەکەین وەبەرهێنان لە کەرتی گەشتوگوزار بکەن.

ژمارەکان وادەڵێن: داهاتی کەرتی گەشتیاری لە هەرێمی کوردستان 500٪ زیادی کردووە و تەنیا لە چوار مانگی یەکەمی ئەمساڵ زیاتر لە دوو ملیۆن گەشتیار ڕوویان لە هەرێمی کوردستان کردووە.