هەفتەی داهاتوو 'هەڵبژاردنی ئەزموونی' بەڕێوەدەچێت

ئاڤا نیوز

 

بەرپرسێكی كۆمیسیۆنی باڵای سەربەخۆی هەڵبژاردنەكان ڕایدەگەیێنێت، كە هەموو ئامادەكارییەك بۆ بەڕێوەچوونی هەڵبژاردنی پەرلەمانی كوردستان كراوە.

 

وێنە گەورەكە: ڕۆژی 20-10-2024 بۆ بەڕێوەچوونی خولی شەشەمی هەڵبژاردنی پەرلەمانی کوردستان دیاری کراوە، كۆمیسیۆنی باڵای سەربەخۆی هەڵبژاردنەكان بەردەوامە لە ئامادەكارییەكانی بۆ بەڕێوەچوونی پڕۆسەكە.

 

لێدوانی فەرمی: خالید عەباس، بەرپرسی ئۆفیسی دهۆكی كۆمیسیۆن بە ئاڤا نیوزی گوت: هەموو كەلوپەل و پێداویستییەكانی وێستگەكانی هەڵبژاردن بۆ ئۆفیسی پارێزگاكان نێردراون و ئەم هەفتەیە نموونەیەكی ئامێری هەڵبژاردنەكە دەگاتە دەستمان.

 

زانیاریی زیاتر: هەفتەی داهاتوو، هەڵبژاردنی ئەزموونی لە وێستگەیەكی دەنگدان ئەنجام دەدرێت، ئەمەش وەک تاقیكردنەوەیەكە بۆ ئەوەی لە نەبوونی كەموكوڕییەكانی پرۆسەكە دڵنیا ببینەوە.

 

ئەوەش بزانە: هەفتەی داهاتوو تیروپشک بۆ پێدانی ژمارە بە لیست و بەربژێران دەکرێت و پاشان كۆمیسیۆن دەست بە چاپكردنی لیست و پەڕی دەنگدان دەكات.