لیستی وانەبێژانی زانکۆ و پەیمانگەکان ڕەوانەی وەزارەتی خوێندنی باڵا دەکرێت

ئاڤا نیوز

ڕێکارەکانی ئامادەکردنی لیستی وانەبێژانی زانکۆ و پەیمانگەکان لە قۆناغی کۆتاییدایە و ڕەوانەی وەزارەتی خوێندنی باڵا و توێژینەوەی زانستی دەکرێت.

وێنە گەورەکە: هاوکات لەگەڵ دامەزراندنی وانەبێژانی قوتابخانەکان کە ژمارەیان 38 هەزارە، وانەبێژان لە زانکۆ و پەیمانگەکانیش کە ژمارەیان هەزار و 992 کەسە، گرێبەستیان بۆ دەکرێت و مووچەکانیان لە 500  هەزارەوە بۆ ملیۆنێک و 200 هەزار دینار دەبێت.

لێدوانی فەرمی: د. توانا نەجەف، سەرۆکی دیوانی وەزارەتی خوێندنی باڵا و توێژینەوەی زانستیی هەرێمی کوردستان بە ئاڤا نیوزی گوت، "سبەی سێشەممە دوا وادەیە بۆ گەڕاندنەوەی لیستی ناو و زانیاریی وانەبێژان، پێویستە تاوەکو سبەی ئێوارە پرۆسەی وردبینیکردن تەواوبووبێت".

باکگراوند: ڕۆژی چوارشەممە 28-08-2024 سەرۆکوەزیران بارزانی واژۆی لەسەر نووسراوی فەرمی بۆ دامەزراندنی وانەبێژانی قوتابخانە و زانکۆ و پەیمانگەکان بە گرێبەست دەرکرد.