باڵیۆزی ئەمریکا: دوایین سەردانی سەرۆک بارزانی بۆ بەغدا کەشێکی ئەرێنی خوڵقاند

ئاڤا نیوز 

 

سەرۆک بارزانی و باڵیۆزی ئەمەریكا لە عێراق پرسی مانەوەی هێزە هاوپەیمانەكان لە عێراق و هەڕەشەكانی تیرۆر لەسەر عێراق تاوتوێ دەکەن.

 

چیرۆکی سەرەکی: ئەمڕۆ دووشەممە 09-09-2024 لە سەڵاحەددین سەرۆک مەسعود بارزانی پێشوازی لە ئەلینا ڕۆمانۆوسكی، باڵیۆزی ئەمریكا لە عێراق كرد.

 

ڕاگەیێنراوی فەرمی: لە دیدارەكەدا ستیڤن بینەر كۆنسوڵی گشتیی ئەمریكا لە هەولێر ئامادەی بوو، باڵیۆزی ئەمریكا لە عێراق ئاماژەی بە دەرئەنجامەكانی دوایین سەردانی سەرۆک بارزانی بۆ بەغدا كرد كە كاریگەرییەكی زۆری هەبووە لەسەر ڕوانگەی لایەنە سیاسییەكانی عێراق و خوڵقاندنی كەشێكی ئەرێنی بۆ مامەڵە لەگەڵ پرسە جیاجیاكان.

 

زانیاریی زیاتر: هەر لەو دیدارەدا باس لە بارودۆخی سیاسیی عێراق و ناوچەكە و هەڵبژاردنەكانی پەرلەمانی كوردستان لە مانگی ئۆكتۆبەری داهاتوو و پێویستی بەڕێوەچوونی كەمپێنەكان لە كەشێكی ئازاد و دوور لەگرژی كرا.

 

لەلایەکی دیکەوە: پرسی مانەوەی هێزەکانی هاوپەیمانان لە عێراق و هەڕەشەكانی تیرۆر لەسەر عێراق و ناوچەكە تەوەری دیکەی ئەو دیدارە بوون.