ڕێبەر ئەحمەد: هاوکاری کۆمپانیا چینییەکان دەکەین وەبەرهێنان لە هەرێمی کوردستان بکەن

ئاڤا نیوز

 

حکومەتی هەرێمی کوردستان ڕۆڵی کونسوڵخانەی چین لە پەرەپێدانی پەیوەندییە دیپلۆماسی و ئابووری و بازرگانی و فەرهەنگییەکان بەرزدەنرخێنێت و پێیوایە چالاکانە کاری لەسەر بەرەوپێشچوونی پەیوەندییەکانیان کردووە.

 

وێنە گەورەکە: ڕۆژی 19-9-2024، بە ئامادەبوونی سەرۆکوەزیران مەسرور بارزانی و قوباد تاڵەبانی، جێگری سەرۆکوەزیران و ڕێبەر ئەحمەد، وەزیری ناوخۆی هەرێمی کوردستان یادی 75 مین ساڵڕۆژی دامەزراندنی کۆماری میللی چین لە هەولێر کرایەوە.

 

لێدوانی فەرمی: ڕێبەر ئەحمەد، وەزیری ناوخۆی حکومەتی هەرێمی کوردستان ڕایگەیاند: سوپاسی کونسوڵخانەی کۆماری میللی چین دەکەین بۆ هاوکاری و هەماهەنگییەکانیان لەگەڵ دامەزراوەکانی حکومەتی هەرێمی کوردستان.

 

ئەوەی پێویستە بیزانیت: ئێستا زمانی چینی لە زانکۆی سەڵاحەدین و زمانی کوردی لە زانکۆی بەیژینگ دەخوێندرێت.

 

ئەمەش بزانە: ئێستا سەنتەری پێدانی ڤیزە بۆ هاووڵاتیانی هەرێمی کوردستان لە هەولێر کراوەتەوە.

 

باکگراوند: لە ساڵی 2014، کونسوڵخانەی کۆماری میللی چین لە هەرێمی کوردستان کرایەوە.