توركیا كوژرانی سەربازێكی لە هەرێمی كوردستان ڕاگەیاند

ئاڤا نیوز

وەزارەتی بەرگریی توركیا رایگەیاند، لەسنووری هەرێمی كوردستان سەربازێكیان كوژراوە و یەكێكی دیكە برینداربووە، لە بەرامبەریشدا شەش گەریلای پەكەكەیان كوشتووە، پەكەكەش دەڵێت هێرشیان كردووەتە سەر چەند بارەگایەكی توركیا و سەربازێكیان كوشتووە.

ڕاگەیێنراوی فەرمیی: لە پێكدادانێكی نێوان سەربازانی توركیا و گەریلاكانی پەكەكە لە ناوچەی (پەنجە-كلیت) سنووری نێوان هەرێمی كوردستان و توركیا سەربازێكی توركیا كوژرا و یەكێكی دیكەش برینداربووە، لە بەرامبەردا  شەش گەریلای پەكەكەیان كوشتووە. وەزارەتی بەرگریی توركیا ئەمەی ڕاگەیاندووە.

لە لایەكی دیكەوە: گەریلاكانی سەر بە پارتی كرێكاران لە ناوچەی زاپ هێرشیان كردووەتەوە سەر بنكەو بارەگاكانی توركیا و دەستیان بەسەر چەند پارچە چەكێكدا گرتووە و گەریلایەكیان كوژراوە. میدیای نزیك لە پەكەكە ئەمەی بڵاوكردووەتەوە.