وەزارەتی کشتوکاڵی عێراق: ڕێژەی تووشبوون بە نەخۆشیی تای خوێنبەربوون کەمی کردووە

ئاڤا نیوز

 

ڕێژەی توشبوون بە نەخۆشیی تای خوێنبەربوون لە پارێزگاکانی عێراق دابەزیوە و تاوەکو ئێستا سێ لەسەر یەکی ڕێژەی ساڵی ڕابردوو تۆمار کراوە.

 

وێنە گەورەکە: تای خوێنبەربوون نەخۆشییەکی ڤایرۆسییە و لە ئاژەڵەوە بۆ مرۆڤ دەگوازرێتەوە، نیشانەکانی نەخۆشییەکە بریتین لە بەرزبوونەوەی پلەی گەرمیی جەستە، سەرئێشە و خوێنبەربوونی ژێر پێست، حکومەتی عێراق ڕێکاری تووندی گرتووەتەبەر و بەردەوامە لە هەڵمەتەکانی بۆ ڕێگریکردن لە بڵاوبوونەوەی نەخۆشییەکە.

 

ڕاگەیێنراوی فەرمی: سائر سەبری حوسێن، بەڕێوەبەری بەشی نەخۆشییەکان لە بەڕێوەبەرایەتیی ڤێتەرنەری سەر بە وەزارەتی کشتوکاڵی عێراق ڕایگەیاند: ڕێژەی توشبوون بە نەخۆشیی تای خوێنبەربوون ئەمساڵ دابەزیوە بۆ 187 تووشبوو، لەکاتێکدا لە ساڵی ڕابردوودا ڕێژەکە گەیشتە 500 تووشبوو.

 

زانیاریی زیاتر: تاوەکو ئێستا 26 کەس بەهۆی نەخۆشییەکەوە گیانیان لەدەست داوە، بەپێی ڕێکخراوی تەندروستیی جیهانی ڕێژەی مردنی ئەو کەسانەی تووشی دەبن 10% بۆ  40%ـە.