دوو بوومەلەرزەی یەک بەدوای یەک لە باکووری کوردستان ڕوویان دا

ئاڤا نیوز 

 

دوو بوومەلەرزەی یەک لەدوای یەک بە گوڕی 4.7 و 4.1 پلەی ڕێختەر شاری سێواسی لە باکووری کوردستان هەژاند، وەزارەتی ناوخۆی تورکیا و تیمی ئافاد لێلکۆڵینەوە لە زیانەکانی بوومەلەرزەکە دەکەن.

 

چیرۆکی سەرەکی: کاتژمێر 11:29 خولەکی ڕۆژی پێنجشەممە 17-10-2024، دوو بوومەلەرزەی یەک لە دوای یەک ناوەندی شاری سێواسی لە باکووری کوردستان هەژاند، لە شارەکانی دەوروبەریشی هەستی پێکراوە.

 

ڕاگەیێنراوی فەرمی: عەلی یەرلیکایە، وەزیری ناوخۆی تورکیا ڕایگەیاند: بوومەلەرزەکە 10 کیلۆمەتر لە قوڵایی ژێر زەویدا ڕۆچووە، تیمەکانمان وردەکاری لە زیانی بوومەلەرزەکە دەکەن.

 

لەلایەکی دیکەوە: سەنتەری ئافادی تورکی ڕایگەیاند: بە گوێرەی زانیارییە سەرەتاییەکان هیچ زیانیکی گیانی نەبووە.

 

 ئەوەی ئێستا ڕوودەدات: سەرجەم قوتابخانەکان چۆڵکراون، خەڵکی لە ترسی دووبارەبوونەوەی بوومەلەرزەکە ماڵەکانیان چۆڵکردووە، ئەمەش دوای ئەوەی دوێنێ بوومەلەرزەیەک بە گوڕی 5.9 پلەی ڕێختەر ماڵاتیای هەژاند و کاریگەری لەسەر 187 کەس دروست کرد کە 94ـیان بریندار بوون. جگە لەوە 20 باڵەخانە و 517 ماڵ زیانیان بەرکەوت.