پڕۆسەی دابەشکردنی زەوی لە دهۆک دەستپێدەکات

ئاڤا نیوز

 

لە دهۆک دابەشکردنی پارچە زەوی بەسەر فەرمانبەران و ڕێککارەکان بەپێی ڕێنماییەکان بەردەوامن.

 

وێنە گەورەکە: پڕۆسەی دابەشکردنی زەوی بەسەر فەرمانبەران لەسەر ڕاسپاردەی سەرۆکوەزیران مەسرور بارزانی دەستیپێکردووە و نەخشەی زیاتر لە 49 هەزار پارچە زەوی لە سنووری پارێزگای دهۆک بۆ فەرمانبەران دانراوە، لە قۆناغی یەکەمیشدا نزیکەی هەزار پارچە زەوی دابەش دەکرێن.

 

لێدوانی فەرمی: ئه‌ندازیار دیار به‌حرى، بەڕێوبەری گشتیی شارەروانی دهۆک بە ئاڤا نیوزی ڕاگەیاند: سبەی لە ئاکرێ هەزار و 59 پارچە زەوی دابەش دەکرێن، هەفتەی داهاتووش زیاتر لە هەزار پارچە زەوی لە سنووری دهۆک دابەش دەکرێن، بەپێی ڕێککارەکانیش دەتوانین ڕۆژانە مامەڵەی چوار سەد پارچە زەوی بەڕێبکەین.

 

زانیاریی زیاتر: ئەندازیار دیار بەحری دەڵێت: دوای قەزای ناوەندیی دهۆک، زۆرترین ژمارەی فەرمانبەران لە سنووری ئاکرێ و بەردەڕەش لە وەرگرتنی پارچە زەوی سوودمەند دەبن، هاوکات ڕیککارەکان بەگوێرەی ڕێنماییەکان بەردەوامن و چەند مانگی داهاتووش، تەواوی فەرمانبەران پارچە زەوی وەردەگرن.

 

لەلایەکی دیکەوە: ڕۆژی دووشەممە 28-10-2024، ئاڤا نیوز ناوی هەزار و 59 کەسی لە سنووری قەزای ئاکرێ بڵاوکردەوە کە زەوییان پێدەدرێت.