ئیسرائیل چەند کەسێک بە تۆمەتی دزەپێکردنی زانیاریی نهێنی دەستگیر دەکات

ئاڤا نیوز

 

پۆلیسی ئیسرائیل چەند گومانلێکراوێک بە تۆمەتی دزەپێکردنی زانیارییە نهێنییەکانی نووسینگەی سەرۆکوەزیرانی ئیسرائیل، لەبارەی شەڕی غەززە دەستگیر دەکات. 

 

وێنە گەورەکە: ئیسرائیل لە دوای حەوتی ئۆکتۆبەرەوە هێرشەکانی بۆ سەر کەرتی غەززە دەستیپێکردووە، تەواوی پلانەکان و هێرشەکان لە کابینەی ئەمنی ئیسرائیل دەردەچێت و ئێستا مەترسیی بڵاوبوونەوەی زانیارییەکانی ئەو کابینەیە لە ئارادایە. 

 

ڕاگەیێنراوی فەرمی: مێناچم میزراهی، دادوەری دادگەی ڕیشۆن لێزیۆن، سەبارەت بە دزەپێکردنی زانیارییە نهێنییەکان ڕایگەیاند: "لە چەند هەفتەی ڕابردوو دەزگای هەواڵگری شین بێت، سوپای ئیسرائیل و پۆلیسی ئەو وڵاتە لە ئۆپەراسیۆنێکی هاوبەشدا کاریان کردووە بۆ دۆزینەوەی هۆکار و بەرپرسانی دزەپێکردنی بەڵگەنامە نهێنییەکان لە نووسینگەی سەرۆکوەزیران". 

 

زانیاریی زیاتر: ئەو زانیارییانەی کە دزەیان پێکراوە تایبەت بوونە بە، چۆنییەتی ئاڵۆگۆڕکردنی بارمتەکان لەگەڵ حەماس. 

 

ئەوەش بزانە: نووسینگەی بنیامین نەتانیاهۆ، سەرۆکوەزیرانی ئیسرائیل لە بەیاننامەیەکی فەرمیدا ڕایگەیاند: "هیچ یەکێک لە تۆمەتبارەکان پەیوەندییان بە نووسینگەی سەرۆکوەزیرانەوە نەبووە".