ئیسرائیل سنوورەکانی لەگەڵ ئوردن تەلبەند دەکات

ئاڤا نیوز

 

وەزیری بەرگریی ئیسرائیل ڕایدەگەیێنێت، بەچڕی كار بۆ ئەوە دەكەن سنوورەكانیان بە دیواری تەلبەند لە ئوردن جیا بكەنەوە.

 

وێنە گەورەكە: لەگەڵ هەڵكشانی گرژییەكانی ناوچەكە و بە ئامانجی دوورخستنەوەی مەترسیی لەخۆی، بەتایبەت دوای هەردوو ڕووداوی دەروازەی سنووریی ئەلەنبی لە 8ـی ئەیلوولی ڕابردوو، هاوکات ڕووداوی دەریای مردوو لە 18ـی ئۆكتۆبەر، کە بووە هۆی كوژرانی سێ هاووڵاتیی ئیسرائیل، ئێستا تەلئەڤیڤ كار بۆ توندكردنی سیستمی بەرگریی سنوورەکانی وڵاتەکەی دەكات.

 

ڕاگەیێنراوی فەرمی: ئیسرائیل كاتس، وەزیری بەرگریی ئیسرائیل ڕایگەیاند، "مەبەستمانە لەڕێگەی دروستكردنی دیواری تەلبەند بەشێوەیەكی خێرا، ڕێگری لە دزەپێكردنی تاوانبارانی بەقاچاخبردنی چەك بكەین و بەربەست لە بەردەم كردە تیرۆرستییەكان دابنێین".

 

لەلایەكی دیكەوە: ئیسرائیل بەهەمان شێوە سنوورەكانی لە بیابانی سینا لەگەڵ میسر بە تەلبەند جیاكردووەتەوە.

 

باكگراوند: ئوردن بەدرێژایی 335 كیلۆمەتر سنووری هاوبەشی لەگەڵ ئیسرائیل و كەرتی ڕۆژئاوا هەیە، هاوكات سێ دەروازەی سنووریش لەنێوانیاندا كراونەتەوە.