ئیتاڵیا خواستی پەرەپێدانی پەیوەندییەكانی لەگەڵ هەرێمی كوردستان دووپات دەكاتەوە

ئاڤا نیوز

سەرۆكی هەرێمی كوردستان سوپاسی ئیتاڵیا دەكات لە پشتیوانی بەردەوامی بۆ خەڵك و حكومەتی هەرێمی كوردستان، پشتگیری دامەزراوە فەرمییەكانی حكومەتی هەرێمی كوردستانیش بۆ كونسوڵخانەی ئەو وڵاتە دووپات دەكاتەوە.

 

وێنە گەورەكە: ئەمڕۆ پێنجشەممە 05-12-2024، نێچيرڤان بارزانى، سه‌رۆكى هه‌رێمى كوردستان، پێشوازیی له‌ ميكيلێ كامێرۆتا، كونسوڵى گشتيى ئيتاڵيا له‌ هه‌رێمى كوردستان كرد كە بەبۆنەی كۆتاییهاتنی ئەركەكەی سەردانی كردبوو.

 

ڕاگەیێنراوی فەرمی: فەرمانگەی ڕاگەیاندنی سەرۆكایەتی هەرێمی كوردستان بڵاویكردووەتەوە، له‌ ديدارێكدا سەرۆكی هەرێمی كوردستان، سوپاسى ئه‌رك و هه‌وڵه‌كانى كونسوڵی گشتی ئیتاڵیای كرد بۆ بره‌ودانى په‌يوه‌ندييه‌كانى وڵاته‌كه‌ى له‌گه‌ڵ هه‌رێمى كوردستان، هيواى سه‌ركه‌وتنى له‌ ئه‌ركى تازه‌يدا بۆ خواست.

 

لەلایەكی دیكەوە: كامێرۆتا، سوپاسى پشتگيريیەكانی لايه‌نه‌ په‌يوه‌نديداره‌كانى هه‌رێمى كوردستانى كرد كه‌ يارمه‌تيده‌ر بوون بۆ سه‌رخستنى ئه‌ركه‌كه‌ى. هاوكات جه‌ختى له‌ خواستى وڵاته‌كه‌ى بۆ بره‌ودان به‌ په‌يوه‌ندييه‌كانى له‌گه‌ڵ هه‌رێمى كوردستان و فراوانكردنى هاريكاريى هاوبه‌شى نێوانيان، كرده‌وه‌.

 

بۆچی گرنگە: ئیتاڵیا بە دۆست و هاوپەیمانێكی سەرەكی هەرێمی كوردستان دادەنرێت، بەتایبەت لە شەڕی ڕووبەڕووبوونەوەی تیرۆر و پێشخستنی توانا سەربازییەكانی هێزەكانی پێشمەرگە، لەڕێگەی پێدانی چەك و كەرەستەی لۆجستی و مەشقپێدانی هێزەكانی پێشمەرگە.