ئێران پیتاندنی یۆرانیۆم تا ئاستی نزیک لە دروستکردنی بۆمب بەرزدەکاتەوە

ئاڤا نیوز

سەرۆکی ئاژانسی نێودەوڵەتی وزەی ئەتۆم دەڵێت، ئێران بە شێوەیەکی خێرا پیتاندنی یۆرانیۆم بۆ ئاستێکی بەرزی نزیک لە ئاستی دروستکردنی بۆمبی ئەتۆم بەرز کردووەتەوە.

 

لێدوانی فەرمی: ڕافایل گرۆسی، سەرۆکی ئاژاسنی نێودەوڵەتی وزەی ئەتۆم ڕایگەیاند، ئێران ئاستی پیتاندنی یۆرانیۆمی گەیاندووەتەوە 60٪ و ئەمەش لە کاتێکدایە کە بۆ درووستکردنی بۆمبی ئەتۆمی یۆرانیۆمی پیتێنراو تا 90٪ پێویستە.

 

لەلایەکی دیکە: پێشتر ئاژانسەکە ڕایگەیاندبوو، ئێران بە خێراییەکی زۆر پیتاندنی یۆرانیۆم بەرز دەکاتەوە و گەیشتووەتە ئاستێک کە بۆ سووتەمەنی لە بواری مەدەنیی وەک بەرهەمهێنانی کارەبا دەتوانرێت سوودی لێوەربگیرێت.

 

زانیاریی زیاتر: ئەم لێدوانەی سەرۆکی ئاژانسی نێودەوڵەتی وزەی ئەتۆم لە کاتێکدایە وڵاتانی ڕۆژئاوایی هۆشداریان داوەتە ئێران و پێیان ڕاگەیاندووە ئەوان پێیان وانییە ئەم پیتاندنە خێرا و ئاست بەرزە بۆ مەبەستی بواری مەدەنی بێت.