لە ڕێگەی ئۆنڵاینەوە هاوکاری پێشکەش بە وەبەرهێنەرانی بیانی دەکرێت

ئاڤا نیوز

 

دەستەی گشتیی گەشتوگوزار بە هاوبەشی دەستەی وەبەرهێنان لە ڕێگەی ئۆنڵاینەوە کارئاسانی بۆ وەبەرهێنەرانی بیانی دەکات، تاوەکو پڕۆژەی گەشتیاری لە ناوچەکانی هەرێمی کوردستان بکەن.

 

وێنە گەورکە: لە ماوەی کارەکانی کابینەی نۆیەمی حکومەتی هەرێمی کوردستان، هەنگاو بۆ پەردەدان بە کەرتی گەشتیاری نراوە هاوشان لەگەڵ کشتوکاڵی و پیشەسازی فراوانکراوە، لە ناوخۆ و دەرەوەش ئاسانکاری بۆ زیادبوونی ڕێژەی گەشتیار و پڕۆژەکانی دەکرێت.

 

لێدوانی فەرمی: ئیبراهیم عەبدولمەجید، گوتەبێژی دەستەی گەشتوگوزاری هەرێمی کوردستان بە ئاڤای گوت، "لە ساڵی 2025 بەهاوبەشی دەستەی وەبەرهێنان ڕێبەرێکی وەبەرهێنان ئامادە دەکەین، بۆ ئەوەی وەبەرهێنەرانی جیهان لە ڕێگەیەوە زانیاریی لەسەر ئەو شوێنانە بزانن کە گونجاون بۆ ئەنجامدانی پڕۆژەی گەشتیاری."

 

ئەوەی پێویستە بیزانیت: لە ماوەی چوار ساڵی کابینەی نۆیەم حکومەتی هەرێمی کوردستان قەبارەی وەبەرهێنان لە کەرتی  گەشتیاریی، حەوت ملیار و زیاتر لە 500 ملیۆن دۆلار بووە و 42٪ـی کۆی پڕۆژەکانی وەبەهێنان پێکدەهێنێت و لە پلەی یەکەم دێت.