ئاڤا وەڵامی داواکاری شەهیدان و پەککەوتووانی شەڕی داعش وەردەگرێتەوە

ئاڤا نیوز

زیاتر لە دوو هەزار وارس و پەککەوتووی شەڕی داعش لەڕێگەی ئاڤاوە داوادەکەن وەزارەتی شارەوانی بیانخاتە لیستی ئەو کەسانە کە لە پرۆسەی وەرگرتنی زەوی سوودمەند دەبن، وەزارەتی شارەوانیش هەر لە ڕێی ئاڤاوە وەڵامیان بۆ دەنێرێت.

 

وێنە گەورەکە: وەزارەتی شارەوانی پلانی داناوە سەرووی 300 هەزار  فەرمانبەر و خانەنشینی هەرێمی کوردستان ئەوانەی کە پێشووتر سوودمەند نەبوون لە سنووری شارەوانی خۆیان زەوی وەربگرن، بەڵامبەشێک لە توێژەکان پرۆسەکە نایانگرێتەوە، ئەوان لە ڕێگەی ئاڤا میدیاوە داوا دەکەن گرفتەکەیان چارەسەر بکرێت

 

ئەوە پێویستە بیزانیت: هەزار و 744 وارسی شەهیدانی شەڕی داعش و 500 پەککەوتە، داوایان لە ئاڤا کردووە داواکارییەکەیان بۆ بگەیێنێتە شوێنی مەبەست و پرۆسەی وەرگرتنی زەویی ئەوانیش بگرێتەوە.

 

لێدوانی فەرمی: سەربەست مەولوود، بەرپرسی بەشی یاسایی لە وەزارەتی شارەوانی و گەشتوگوزار ڕایگەیاند: "وارسی شەهیدانی شەڕی داعش یەکەی نیشتەجێبوون وەردەگرن، بۆیە پرۆسەی وەرگرتنی زەوی نایاگرێتەوە، پەککەوتووانیش ئەوانەی زەوییان وەرگرتووە جارێکی دیکە وەریناگرنەوە."

 

جەختی لەوەش کردەوە، ڕێنماییەکان لە کاتێکدا دەگۆڕێن کە لە ئەنجوومەنی وەزیران بڕیارێک دەربکرێت، ئەو وارس و پەککەوتووانە زەوی وەربگرن.