دەنگی تەقینەوەیەک لە ئیسرائیل بیسترا

ئاڤا نیوز

 

حووسییەکانی یەمەن مووشەکێک ئاراستەی ئۆرشەلیمی پایتەختی ئیسرائیل دەکەن و بەهۆیەوە زەنگی ئاگادارکردنەوە لە وڵاتەکە لێدراوە.

 

ڕاگەیێنراوی فەرمی: بەگوێرەی هەواڵی ئاژانسی فرانس پرێس، کاتژمێر 10:30 بەیانی بە کاتی قودس، زەنگی ئاگادارکردنەوە لێدراوە و دواتر هاووڵاتیانی ناوچەکە گوێیان لە دەنگی تەقینەوە بووە.

 

لێدوانی فەرمی: سوپای ئیسرائیل هەواڵەکەی پشتڕاستکردەوە و ڕایگەیاند، هێرشێکی مووشەکی لەلایەن حووسییەکانی یەمەنەوە کراوە. 

لەلایەکی دیکەوە: وەزارەتی بەرگریی ئیسرائیل ڕایگەیاند:

- هێزی ئاسمانی ئیسرائیل بە سەرکەوتوویی یەکێک لەو مووشەکانەی کە لەلایەن حووسییەکانی یەمەنەوە ئاراستە کرابوو، تێکشکاند و ڕێگری لە تەقاندنەوەی کرد.

- لەکاتی گەیشتنی مووشەکەکە بۆ ئاسمانی وڵاتەکە، لە سەرانسەری ناوەڕاستی ئیسرائیلدا ئاگادارکەرەوە لێیدا، لەنێویاندا لە شارە گەورەکانی وەک تەلئەبیب و قودس.