وەزارەتی پێشمەرگە: پێنتاگۆن پێشمەرگە وەک هاوبەشێکی ستراتیژی ئەمریکا ناودەبات

ئاڤا نیوز

وەزارەتی پێشمەرگەی حکومەتی هەرێمی کوردستان ڕایگەیاند، وەزارەتی بەرگریی ئەمریکا (پێنتاگۆن) هێزی پێشمەرگەی وەک هاوبەشی ستراتیژی ئەمریکا ناوبرد و قوربانیدانی پێشمەرگەی لە شەڕی تیرۆر بەرز نرخاند.

 

وێنە گەورەکە: سەرۆكوەزیران بارزانی حەوت ڕۆژە لە ئەمریكایە، چەندین دیداری گرنگی کردووە و لە کۆشکی سپی، وەزارەتی دەرەوە، پێنتاگۆن و وەزارەتی گەنجینە پێشوازی لێکراوە، لە پێنتاگۆن لای سەرۆکوەزیران و شاندی یاوەری بە گرنگییەوە باسی قوربانیدانی پێشمەرگە کراوە.

 

بۆچی گرنگە: پێنتاگۆن سێیەم گەورە دامەزراوەی ئەمریکایە،  کە بڕیار و سیاسەتەکانی لە جیهاندا کاریگەرییان هەیە، هەروەها ئەمریکا وەک هاوبەش و هاوپەیمانێکی متمانە پێکراوی خۆی، سەیری کوردستان و هێزی پێشمەرگەی کردووە. 

 

ڕاگەیێنراوی فەرمی: لە ڕاگەیێنراوی وەزارەتی پێشمەرگەدا هاتووە: لە کۆبوونەوەکەیدا لەگەڵ سەرۆكوەزیران بارزانی،  ساشا بەیکەر، بریکاری وەزارەتی بەرگریی ئەمریکا، جەختی لە پاڵپشتی ئەمریکا  بۆ کوردستانی بەهێز کرایەوە، هێزی پێشمەرگەشی وەک هاوبەشی ستراتیژی ئەمریکا ناوبرد و قوربانیدانی پێشمەرگەی لە شەڕی تیرۆر بەرز نرخاندووە.