ڕوانگەی سووری: توركیا لە مانگێكدا 31 هێرشی درۆنی بۆ سەر ڕۆژئاوای كوردستان ئەنجامداوە

ئاڤا نیوز

 

ڕوانگەی سووری بۆ مافەكانی مرۆڤ ڕایدەگەیەنێت، توركیا لە سەرەتای ئەمساڵەوە، 31 هێرشی درۆنی بۆ ناوچە جیا جیاكانی ڕۆژئاوای كوردستان ئەنجامداوە.

 

چیرۆكی سەرەكی: توركیا هەبوونی چەكدارانی یەپەگە لە ڕۆژئاوای كوردستان، بە هەڕەشە بۆ سەر ئاسایش و سەقامگیری سنوورەكانی وەسف دەكات و بەردەوام هێرشی ئاسمانی و زەمینی دەكاتە سەر ئەو ناوچانەی كە لەژێر ئیدارەی خۆبەڕێوەبەریی كورد دان.

 

ڕاگەیێنراوی فەرمی: ڕوانگەی سووری بۆ مافەكانی مرۆڤ لە ڕاپۆرتی مانگانەی خۆیدا بڵاویكردووەتەوە، توركیا لە ڕێگەی فڕۆكەی بێفرۆكەوانەوە لە ماوەی مانگی یەكەمی ساڵی نوێ، 31 جار هێرشی كردووەتە سەر ناوچەكانی ئیدارەی خۆبەڕێوەبەریی كورد و چەند ئامانجێكی جیا جیای بۆردوومان كردووە.

 

زیانە سەرەکییەکان: لەو هێرشە درۆنیانەی سوپای توركیا بۆ سەر ناوچەكانی ڕۆژئاوای كوردستان، چوار كەس كوژراون كە یەكێكیان ئەندامی هێزەکانی 'هەسەدە'ـەیە و پێنج كەسیش برینداربوون، كە دووانیان سڤیلن و سێ لەو بریندارانەش ئەندامی هەسەدەن.