ناوی دەرچووانی بەشە پزیشکییەکان بۆ دامەزراندن ڕەوانەی بەغدا دەکرێت

ئاڤا نیوز

 

وەزارەتی خوێندنی باڵا و توێژینەوەی زانستی حکومەتی هەرێمی کوردستان، ناوی دەرچووانی بەشی پزیشکییەکانی بە مەبەستی دامەزراندن ئاراستەی بەغدا کرد.

 

وێنە گەورەکە: ڕۆژی 20-2-2025، وەزارەتی خوێندنی باڵا و توێژینەوەی زانستی، بە نووسراوی ژمارە (4004) کە واژۆی ئارام محەممەد، وەزیری خوێندنی باڵای لەسەرە، ناوی ژمارەیەک دەرچووی بەشە پزیشکییەکانی ئاراستەی بەغدا کرد.

 

ڕاگەیێنراوی فەرمی: وەزارەتی خوێندنی باڵا و توێژینەوەی زانستی ڕایگەیاند: ناوی دوو هەزار و 269 دەرچووی بەشە پزیشکییەکان لەگەڵ چەندین دێکۆمێنت و بەڵگەنامەی فەرمی، بە مەبەستی دامەزراندن ئاراستەی وەزارەتی تەندروستی عێراق کراوە.

 

زانیاریی زیاتر: لەسەر داوای وەزارەتی تەندروستیی حکومەتی عێراق، وەزارەتی خوێندنی باڵا و توێژینەوەی زانستی لە ڕێگەی نوێنەرایەتی حکومەتی هەرێمی کوردستانەوە ناوەکانی ڕادەست کردووە، تا لەسەر میلاکی وەزارەتی تەندروستی عێراق دابمەزرێن.

 

ئەوەی پێویستە بیزانیت: ئەو ناوانەی ڕادەستکراون دەرچووی ساڵی خوێندنی 2023-2024ی زانکۆکانی هەرێمی کوردستانن، بەڵام نیشتەجێی ناوچە کوردستانییەکانی دەرەوەی ئیدارەی هەرێمی کوردستانن.