هۆشدارییەک لە وەزارەتی ناوخۆوە بۆ ماتۆڕسوار و کۆمپانیا دیلیڤەرییەکان

ئاڤا نیوز

 

بەشێکی زۆر لە ماتۆڕسوارەکان لەسەر شەقامەکانی هەرێمی کوردستان پابەندی ڕێنماییەکانی هاتووچۆ نابن، وەزارەتی ناوخۆش ڕایدەگەیەنێت، هەر کەسێک سەرپێچی بکات دەست بەسەر ماتۆڕسکیلەکەیدا دەگیرێت.

 

وێنە گەورەکە: هەرێمی کوردستان لە ڕابردوودا تاوەکو ئێستا چەندین ڕێنمای و ڕێککاری گرتووەتەبەر بۆ ئەوەی ماتۆڕسواران پابەند بکات بە یاساکانی هاتووچۆوە بۆ ئەوەی هەم خۆیان و هەم کەسانی بەرامبەریشیان پارێزرابن لە بەرکەوتن و زەرەمەندبوون، بەڵام تاوەکو ئێستا کەمترین پابەندی بەو بڕیارانەوە هەیە. 

 

ڕاگەیێنراویی فەرمی: وەزارەتی ناوخۆی حکومەتی هەرێمی کوردستان، ڕایگەیاند: "ماتۆڕسوارەکان بوونەتە هەڕەشە بۆسەر ژیانی خۆیان و خەڵکی دیکەش، لە ترافیکلایتی سوور ناوەستن و بە پێچەوانەی ئاڕاستەی شەقام دەڕۆن، بەبێ ئەوەی ڕێز لە مافی شۆفێر و ئۆتۆمبێل لە ترافیکلایتەکاندا بگرن، بۆیە لێپێچینەوەی یاساییان لەگەڵ دەکرێت".

 

- مۆڵەت بە کۆمپانیاکانی گەیاندنی خواردن 'دیلیڤەری' دراوە، بۆ ئەوەی خۆیان لەگەڵ یاساکانی هاتووچۆ بگونجێنن، لە ئایندەدا ئەگەر هەر کۆمپانیا و ماتۆڕسوارێک تۆمار نەکرابێت، دەستی بەسەردا دەگیرێت".