شاندی دانووستانکاری پارتی و یەکێتی کۆدەبنەوە

 

ئاڤا نیوز

بڕیارە شاندی دانووستانکاری پارتی و یەکێتی کۆببنەوە، وتەبێژی جێگری سەرۆکی حکومەت لەوبارەیەوە دەڵێت 'وەرەقەی سیاسیی ئامادەکراوە و دەبێتە بنەما بۆ ئیدارەدانی حکومڕانی قۆناغی داهاتوو'.

وێنە گەورەکە: پارتی و یەکێتی وەک براوەی یەکەم و دووەمی هەڵبژاردنەکانی پەرلەمانی کوردستان لە هەوڵەکانیان بۆ پێکهێنانی کابینەی نوێی حکومەت بەردەوامن، تا ئێستا چەندین کۆبوونەوەیان کردووە و نزیکەی 90%ـی کارەکانیان تەواو کردووە.

لێدوانی فەرمی: سەمیر هەورامی، وتەبێژی جێگری سەرۆکی حکومەتی هەرێمی کوردستان، بە ئاڤا میدیای ڕاگەیاند: بڕیارە پاش 11ـی نیسان، ڕۆژێک بۆ کۆبوونەوەی یەکێتی و پارتی  دیاری بکرێت.

زانیاریی زیاتر: بە گوتەی سەمیر هەورامی، ئەم کۆبوونەوەیە دوای ڕێککەوتن و کۆتایهاتنی وەرەقەی سیاسیی دێت، وەرەقەکە تایبەتە بە باشکردنی شێوازی حکومڕانی لە سێکتەر و بوارە جیاوازەکاندا، هەروەها دەبێتە بنەما بۆ ئیدارەدانی حکومڕانی لە قۆناغی داهاتوودا.

ئەوەی پێویستە بیزانیت: بڕیارە کە لە کۆبوونەوەی داهاتوودا قسە لەسەر پۆستەکان بکرێت، چونکە تاوەکو ئێستا باس لەو بابەتە نەکراوە.