ماددەی قڕکەر بەسەر جووتیاران دابەش دەکرێت

ئاڤا نیوز

 

لەسەر ڕەزامەندی سەرۆکوەزیران مەسرور بارزانی، ماددەی قڕکەر بۆ جووتیارانی سنووری پارێزگای هەولێر و ماددەی 140 دابین کرا.

 

وێنە گەورەکە: بەمەبەستی ڕووبەڕووبوونەوەی هەر ئافات و زیانێک ساڵانە بەڕێوەبەرایەتی گشتیی کشتووکاڵی هەولێر هاوکاری پێشکەش بە جووتیاران دەکات و ماددەی قڕکەریان بۆ دابین دەکات. 

 

ڕاگەیێنراوی فەرمی: ڕۆژی 10-4-2025، بەڕێوەبەرایەتی گشتیی کشتووکاڵی هەولێر ڕایگەیاند: لەسەر ڕەزامەندی سەرۆکوەزیران مەسرور بارزانی و بە هەماهەنگی پارێزگاری هەولێر و وەزارەتی کشتووکاڵ و سەرچاوەکانی ئاو، ماددەی قڕکەر بۆ جووتیاران دابینکرا کە ژمارەیان نزیکە هەشت هەزار جووتیارە.

 

زانیاریی زیاتر: بەشێوەیەکی یەکسان ماددە قڕکەرەکە بەسەر سەرجەم جووتیارانی سنووری پارێزگای هەولێر و ئیدارەی سەربەخۆی سۆران و جووتیارانی سنووری ماددەی 140 دابەش کرا.