سوودانی سەردانی سلێمانیی دەکات

ئاڤا نیوز

دوای سەردانەکەی دوێنێی بۆ هەولێر، بڕیارە ڕۆژی چوارشەممەی داهاتوو 16ـی نیسان سەرۆکوەزیرانی عێراق سەردانی شاری سلێمانی بکات و لە زانکۆی ئەمریکی بەشداری دیداری سلێمانی دەکات.

وێنە گەورەکە: ڕۆژانی 16 و17ـی ئەم مانگە  دیداری سلێمانی لە زانکۆی ئەمریکی لە عێراق - سلێمانی بەڕێوەدەچێت کە دیدارێکی سیاسی و دیپلۆماسییە و تێیدا گفتوگۆ لەسەر دۆخی سیاسی، ئابووری و ئەمنیی عێراق و ناوچەکە دەکرێت.

زانیاریی بەدەستهاتوو: بەرپرسێکی یەکێتی نیشتمانی کوردستان بە ئاڤا میدیای ڕاگەیاند، لە چوارچێوەی بەشداریکردنی لە دیداری ساڵانەی سلێمانی کە لە زانکۆی ئەمریکی لە عێراق-سلێمانی بەڕێوەدەچێت، ڕۆژی چوارشەممەی داهاتوو سوودانی سەردانی شاری سلێمانی دەکات.

لە لایەکی دیکەوە: میدیای فەرمی یەکێتیش بڵاویکردەوە، محەممەد شیاع سوودانی، سەرۆکوەزیرانی عێراق ڕۆژی چوارشەممە لە سلێمانی لەگەڵ بافڵ جەلال تاڵەبانی، سەرۆکی یەکێتیی نیشتمانیی کوردستان کۆدەبێتەوە.