وەزیری پێشووتری دەرەوەی سوید: ئەم هەفتەیە شاندێکی باڵای سوید سەردانی کوردستان دەکات

ئاڤا نیوز

 
وەزیری دەرەوەی پێشووتری سوید باس لەوەدەکات، پەیوەندییە دیپلۆماسییەکانی کوردستان لە ئاستێکی باش دایە و هەر ئەم هەفتەیە شاندێکی باڵای وڵاتەکەمان سەردانی کوردستان دەکات.
 
وێنە گەورەکە: ماوەی دوو ڕۆژی دیداری سلێمانی بەڕێوەچوو، بەشێک لە سەرکردە و کاربەدەستانی سیاسی ناوخۆی و نێودەوڵەتی میوانی دیدارەکە بوون، بەشێک لەوانەش قسەیان بۆ مایکی ئاڤا کرد و پەیامی خۆیان لە ڕێگەوە نارد. 
 
لێدوانی فەرمی: ئان لیند، وەزیری دەرەوەی پێشووتری سوید بە ئاڤای ڕاگەیاند، لە ڕێگەی ئەم دیدار و کۆڕبەندانەوە دەتوانین لە جموجۆڵ و پێشهاتەکانی ناوچەکە تێبگەین، هەرێمی کوردستان بەباشی توانیویەتی هاوكێشە سیاسییەکان لەنێو دۆخی ئاڵۆزی ڕۆژهەڵاتی ناوەڕاست ڕابگرێت و بێکێشە بمێنێەوە.

-  پەیوەندییەکانی دیپلۆماسییەکانی نێوانمان لە ئاستێکی باش دایە و هەر ئەم هەفتەیە شاندێکی باڵای سوید سەردانی ناوچەکە دەکەن. 

- گرنگە کابینەی نوێی حکومەت پێکبهێنرێت، بۆ ئەوەی هەماهەنگی و پەیوەندییەکانمان بەهێزتر بکەین.

- هەرێمی کوردستان  هەوڵدەدات بەدەنگ پێویستییەکانی خەڵکەوە بێت.