بۆ یەکەمجار کۆمپانیایەکی گەورەی ئەمریکی لە سلێمانی دەستبەکار دەبێت

ئاڤا نیوز

هەوڵەکانی حکومەتی هەرێمی کوردستان بۆ بنیاتنانی ژێرخانی وزە لە کوردستان بەردەوامن،  لەو چوارچێوەیەدا بۆ یەکەمجار کۆمپانیایەکی گەورەی ئەمریکی دەچێتە سلێمانی وەبەرهێنان لە بواری وزەدا دەکات.

چیرۆکی سەرەکی: کۆمپانیای جەنەراڵ ئەلیکتریکی ئەمریکی گرێبەستێکی 17 ساڵی لەگەڵ کۆمپانیای تۆڕەس ئینێرجی واژۆ کرد، بۆ زیادکردنی بڕی بەرهەمهێنانی کارەبای وێستگەی بازیان لە سلێمانی.

زانیاریی زیاتر: ئێستا بەرهەمهێنانی کارەبا لە وێستگەی بازیان 500 مێگاواتە. بەم پڕۆژە نوێیە تا ساڵی داهاتوو بەرهەمهێنانی کارەبای وێستگەکە دەگاتە 1250 مێگاوات، کە دەکاتە یەک لەسەر سێی کارەبای هەموو کوردستان.

بۆچی گرنگە: وەک کۆمپانیای باسی دەکات، ئەم سیستمەی کاری پێ دەکەن بە جۆرێکە بە کەمترین وزە، زۆرترین کارەبا بەرهەم دەهێندرێت.

ئەمەش بزانە: لە ڕێورەسمی واژۆکردنی گرێبەستەکە، قوباد تاڵەبانی، جیگری سەرۆکوەزیران، کەمال محەممەد، وەزیری کارەبا، کونسوڵی ئەمریکا لە هەولێر و نوێنەری هەردوو کۆمپانیاکە ئامادە بوون.