فایلی خەڵک؛ دانیشتووانی گوندی گەزنە داوای دروستکردنی ئۆڤەر پاس دەکەن

ئاڤا نیوز

دانیشتووانی گوندی گەزنە لە هەولێر داوای دروستکردنی ئۆڤەر پاس دەکەنو دەڵێن، بۆ سووڕانەوەیەک دەبێت چوار کیلۆمەتر ببڕین. پارێزگای هەولێریش سەرقاڵی تەرخانکردنی بودجەیەکە بۆ دروستکردنی ئۆڤەر پاسەکە.

وێنە گەورەکە: دانیشتوانی گوندی گەزنە لەسەر ڕێگەی نێوان هەولێر و دهۆک داوای درووستکردنی ئۆڤەر پاسێک دەکەن کە بەهۆی ئەوەی ڕێگاکە بەناو گوندەکە دەڕوات و لە هیچ شوێنێک سوڕانەوەی نییە و خەڵکی گوندەکە دەبێت چوار کیلۆمەتر لە گوندەکە دوورکەونەوە تاوەکو دەچنە سایدەکەی تر.

ئەوەی لەوبارەیەوە دەگوترێت: هەندێک جار شۆفێرانی گوندەکە ناچار نین ئەو ڕێگایە ببڕن تا دەچنە سایدەکەی تر، بۆیە بە پێچەوانەی ڕێنماییەکانی هاتووچۆ ڕۆنگ ساید دەڕۆن، ئەمەش مەتریس ڕووداوی هاتووچۆ درووست دەکات.

ئەوەی پێویستە بیزانیت: ماوەیەک لەمەوپێش ئۆتۆمبێلێک لە گەنجێکی تەمەن 20 ساڵانیدا و گەنجەکە گیانی لەدەستدا.

لێدوانی فەرمی: ئومێد خۆشناو، پارێزگاری هەولێر لەم بارەیەوە بە هیشام سەعید، پەیامنێری ئاڤای ووتووە: ئێمە ڕەزامەندیمانداوە لەسەر دروستکردنی ئۆڤەر پاس یان ئەندەر پاسێک بۆ ڕێگاکە و بەدیاریکراوی لەنزیک گوندی گەزنە، بەڵام نەبوونی بوودجە گرفتی سەرەکی بووە بۆ تەواو نەکردنی ئەو ئۆڤەر پاسە.

- دانیشتوانی گوندی گەزنە دڵنیادەکەینەوە و لە پلانماندایە و هەموو ڕێکارەکانی تەواو ببووە، تەنها لە ئێستادا خەریکی ئەوەین بوودجەیەکی بۆ تەرخان بکەین.