هەسەدە و هاوپەیمانیی نێودەوڵەتی "گەورەترین" مانۆڕی سەربازیی هاوبەشیان ئەنجام دا

ئاڤا نیوز

 

وەک ئامادەکارییەک بۆ قۆناغێکی نوێی ئۆپەراسیۆن دژی داعش، هێزەکانی سووریای دیموکرات و هاوپەیمانیی نێودەوڵەتیی بەسەرۆکایەتیی ئەمریکا، گەورەترین مانۆڕی سەربازیی هاوبەشیان لە دەوروبەری دێرەزووری ڕۆژهەڵاتی سووریا ئەنجام دا.

 

ئەوەی پێویستە بیزانیت: مانۆڕە هاوبەشەکەی هەسەدە و هاوپەیمانان لە کێڵگەی نەوتی عومەر و دەوروبەری دێرەزوور دەستیپێکرد و تا سنووری عێراق درێژبووەتەوە.

 

لێدوانی فەرمی: فەرهاد شامی، وتەبێژی هێزەکانی سووریای دیموکرات (هەسەدە) ڕایگەیاند، لەکاتێکدا داعش هەوڵی زیادکردنی هێرشەکانی دەدات، هەسەدە و هاوپەیمانان لە ڕۆژهەڵاتی دێرەزوور مانۆڕێکی سەربازیی هاوبەشیان ئەنجامدا، ئەوەش بەرز دەنرخێنن چونکە نامەیەکی گرنگە بۆ هێزەکانیان کە شەڕی هاوبەشی دژی داعش بەردەوامیی دەبێت.

 

ئەمەش بزانە: لە مانۆڕەکەدا لانیکەم چوار فڕۆکەی جەنگیی هاوپەیمانان بەشداربوون، بەگوێرەی سەرچاوەکانیش کە بۆ میدیاکانی ڕۆژئاوای کوردستان قسەیان کردووە، لەو کاتەوەی هاوپەیمانانی نێودەوڵەتی دژی داعش هاتووەتە سووریا، مانۆڕەکە فراوانترین مانۆڕی سەربازیی هاوپەیمانان بووە.