هەزاران تۆن بەرهەمی ناوخۆیی کوردستان ڕەوانەی سێ کیشوەر دەکرێت

ئاڤا نیوز

لە چوارچێوەی ئاسانکاری حکومەتی هەرێمی کوردستان بۆ کردنەوەی دەرگای بازاڕەکانی جیهان بەڕووی بەرهەمە خۆماڵییەکانی جووتیاران، ساڵانە سەدان تۆن سەوزە و میوە لە هەولێرەوە بۆ وڵاتانی ئەوروپا، ئەفریقا و ئاسیا هەناردە دەکرێت.

وێنە گەورەکە: کابینەی نۆیەمی حکومەتی هەرێمی کوردستان وەک هۆکارێک بۆ بەهێزکردنی ژێرخانی ئابووری پەرەی بە سێکتەری کشتوکاڵی لە ناوچەکانی هەرێمی کوردستان داوە، کۆڕبەند و فێستیڤاڵە جیهانییەکانی قۆستووەتەوە بۆ دۆزینەوەی بازاڕ بۆ بەرهەمی جووتیاران و ساغکردنەوەی بەرهەمەکانیان.

لێدوانی فەرمی: هێمن سەید موراد، بەڕێوەبەری گشتیی کشتوکاڵی هەولێر بە ئاڤای گوت، "سەرەتای مانگی داهاتوو هەناردەی بەرهەمە خۆماڵییەکانی جووتیاران دەستپێدەکات بۆ وڵاتانی سعوودیە، ئیمارات، بەحرەین، قەتەر و سووریا لە ئاسیا، سیبیریا لە ئەفریقا، دۆشاوی تەماتەی هەریریش ڕەوانەی بەریتانیا دەکرێت."

ئەمەش بزانە: بەرهەمە کشتوکاڵییەکانی جووتیارانی سنووری هەولێر کە پەتاتە، هەنار، قۆخ، ترێ، باینجان، هەنجیر، کاڵەک، شووتی و چەند بەرهەمێکی دیکە دەگرێتەوە، ئەمساڵ لەم بەرهەمانە دەبن کە بەپێی پێویستی ئەو وڵاتانە هەناردە دەکرێت و هەزاران تۆن دەبن.