وەزارەتی دارایی: خشتەی مووچە ئامادەیە و ئەمڕۆ مووچە بێت سبەی دابەشی دەکەین

ئاڤا نیوز

 

چاوەڕوان دەکرێت ئەمڕۆ مووچەی مانگی شەشی مووچەخۆران خەرج بکرێت، وەزارەتی دارایی و ئابووریی هەرێمی کوردستان ئامادەکاری تەواوی کردووە و خشتەی دابەشکردنی مووچە ئامادەیە.

 

وێنە گەورەکە: ئەنجوومەنی وەزیرانی عێراق نووسراوی خەرجکردنی مووچەی مانگی شەشی مووچەخۆرانی هەرێمی کوردستانی داوە، وەزارەتی دارایی هەرێمی کوردستانیش مەرجی خەرجکردنی ئەو مووچەیەی کە ناردنی 120 ملیار دینارە بۆ بەغدا جێبەجێکردووە، ماوەتەوە سەر ئەوەی پارەی مووچە خەرج بکرێت.

 

لێدوانی فەرمی: سەرچاوەیەک لە وەزارەتی دارایی و ئابووریی هەرێمی کوردستان، بە ئاڤای گوت، "بە ئەگەری زۆرەوە ئەمڕۆ بڕیاری خەرجکردنی پارەکە دەدرێت، دەبوایە ڕۆژی پێنجشەممە خەرج بکرێت، بەڵام بەهۆی ئەوەی بەڕێوەبەری گشتیی ژمێرکاری لە دەوام نەمابوو بۆیە کەوتووەتە ئەمڕۆ."

 

گوتیشی، "خشتەی دابەشکردنی مووچە ئامادەیە، وەک مانگەکانی ڕابردوو دەبێت ئەگەری چەند گۆڕانکارییەکی کەمی هەیە، ئەمڕۆ پارەکە بێت سبەی دەست بە دابەشکردنی دەکەین."