زیاتر لە 465 هەزار مووچەخۆر لەڕێگەی هەژماری من مووچە وەردەگرن

ئاڤا نیوز

ئەمڕۆ دەست بە دابەشکردنی مووچەی مانگی شەش دەکرێت، ئەوانەی کارتی هەژماری من ـیان ئاکتیڤە و لەڕێگەی (ئەی تی ئێم)ـەکانەوە دەتوانن پارەکانیان ڕابکێشن.

 

چیرۆکی سەرەکی تیمەکانی هەژماری من بە چڕیی کار لەسەر تۆمارکردنی فەرمانبەران لە بانکەکانی نێو هەژماری من دەکەن، بەراورد بە مانگی ڕابردوو سەرووی 65 هەزار مووچەخۆر مووچەکانیان وەردەگرن.

 

وێنە گەورەکە: ئەمڕۆ یەکشەممە کاتژمێر 10، وەزارەتی دارایی عێراق بری 690 ملیار دیناری خستە سەر هەژماری وەزارەتی دارایی هەرێمی کوردستان بۆ مووچەی مانگی شەشی فەرمانبەران.

 

لێدوانی فەرمی: تیمی هەژماری من بە ئاڤای گوت، "بۆ مووچەی مانگی شەش 465 هەزار و 600 مووچەخۆر دەتوانن لە ڕێگەی ئامێرەکانی (ATM) پارەکانیان ڕابکێشن، کاتژمێر شەشی ئێوارەی ئەمڕۆ پارە دەخرێتە نێو ئامێرەکان."

 

ژمارەکان وادەڵێن: ئەو 465 هەزار و 600 مووچەخۆرە بەسەر فەرمانبەر، خانەنشین، پێشمەرگە و ئاسایش دابەش بوون، بەم شێوەیە:

-فەرمانبەری مەدەنی: 254 هەزار و 230 مووچەخۆر.
-پێشمەرگە و ئاسایش: 191 هەزار مووچەخۆر.
-خانەنشین: 20 هەزارو 500 مووچەخۆر.