ئیسرائیل بڕیار دەدات وەڵامی هێرشی ئێران بداتەوە

ئاڤا نیوز

ئیسرائیل بڕیاری داوە وەڵامی هێرشی ئێران بداتەوە، بەڵام شێواز و کاتەکەی دیاری نەکردووە.

وێنە گەورەکە: جیهان چاوەڕێی وەڵامی هێرشی پێچەوانەی ئیسرائیلە بۆ سەر ئێران، بەڵام ئیسرائیل نایەوێت بەبێ بیرکردنەوە لە لێکەوتەکانی هەنگاوبنێت، ئەمریکاش پێی ڕاگەیاندووە لە هێرشکەدا بەشدارییان لەگەڵدا ناکەن.

ڕاگەیێنراوی فەرمی: میدیای فەرمی ئیسرائیل بە پشتبەستن بە سەرچاوە ئەمنییەکانی ئەو وڵاتە، هەواڵی هێرشی پێچەوانەی ئیسرائیلی بڵاوکردووەتەوە، بەڵام ئاماژەی بە کات و بەروار و شێوازی هێرشەکە نەکردووە.

لێدوانی فەرمی: دانیاڵ هەگاری، گوتەبێژی سوپای ئیسرائیل دەڵێت: پلانی وەڵامدانەوە و هێرشکردن دژی ئێران ڕەزامەندی لەسەر دراوە.

لەلایەکی دیکەوە: بنیامین نەتانیاهۆ، سەرۆکوەزیرانی ئیسرائیل هێرشەکەی دوێنی شەوی ئێرانی  "بە واتای ڕاگەیاندنی شەڕ"ناوبرد، بەڵام گوتی: ئیسرائیل گوێ لە هاوپەیمانان و هاوبەشەکانیان دەگرێت و ڕێز لە دیدگاکانیان دەگرێت.

ئەمەش بزانە: شەوی ڕابردوو ئیسرائیل هەڕەشەی تۆڵەکردنەوە و "وەڵامدانەوەی کەمەرشکێن"ی دەکرد، بەڵام لە دوایین خولەکدا جۆ بایدن، سەرۆکی ئەمریکا نەتانیاهۆی لە وەڵامدانەوەی خێرا پەشیمان کردووەتەوە.