ژنێکی 88 ساڵ، دوای 70 ساڵ بە خۆشەویستەكەی گەیشت

ئاڤا نیوز 

ژنێکی تەمەن 88 ساڵ دوای 70 ساڵ، توانی هاوسەرگیری لەگەڵ خۆشەویستەکەی بکات.

چیرۆکی سەرەکی: ئیلین هاڵ، دوای 70 ساڵ، ڕۆلاند پاسارۆی هاوڕێی قووتابخانەی دەبینێتەوە کە پێشووتر دڵی پێوەی بووە، بەمەش شانسی ئەوەی دەبێت هاوسەرگیری لەگەڵ خۆشەویستەكەی بکات و بۆ یەکەمجار لە تەمەنی 88 ساڵی  جلی بووکێنی سپی لەبەر بکات. لە کاتێکدا، لە هاوسەرگیری یەکەمی لە تەمەنی 18 ساڵیدا نەیتوانیوە بیپۆشێت. ئەم چیرۆكە لە ئەمریكا ڕوویداوە.

زانیاریی زیاتر: ئەمە دووەم هاوسەرگیرییە ڕووبدات و بووك و زاوا كە هەردووکیان تەمەنیان 88 ساڵە، ئیلین هاڵ گوتی "هەرگیز پێم وانەبوو بتوانم لە 88 ساڵیدا جلی بووکێنی بپۆشم".

لە لایەكی دیكەوە: ڕۆلاند پاسارۆی هاوسەریشی دەڵێت "کاتێک ئەوم بینی هەمان هەستی سەردەمی قوتابخانەم بۆ دروست بووەوە، بە بڕوای من مرۆڤ لە هەموو تەمەنێک دەتوانێت عاشق بێت".