25 دەلیڤەیێن کاری حکومی بۆ خەلکێ ئاکرێ و بەردەڕەش

ئاڤا دیجیتال

 

ل ئاکرێ فەرمانگەها وەبەرهێنانێ ژلایێ حکومەتا هەرێما کوردستانێ ڤە هاتە ڤەکرن، 25 دەلیڤەیێن کاری هاتنە ڕاگەهاندن.

 

بۆچی گرنگە: ڤەکرنا فەرمانگەها وەبەرهێنانێ ل قەزا ئاکرێ هەڤکارە بۆ زێدەبوونا پرۆژەیێن وەبەرهێنانێ ل سنوورێ هەردوو قەزایێن بەردەڕەش و ئاکرێ، ژبلی ڤێ ژی هژمارەکا دەرفەتێن کاری پەیدا دکەت.

 

داخویانیا فەرمی: د.محەمەد شوکری، سەروکێ دەستەیا وەبەرهێنانێ ل هەرێما کوردستانێ بۆ ئاڤا میدیا دیارکر: ژبەرکو حکومەتا هەرێما کوردستانێ دخوازیت گرنگیێ بدەتە پێشڤەبرنا کەرتێ وەبەرهێنانێ لەو ئەو فەرمانگەهـ ڤەکر، کو سەر ب ڕێڤەبەریا گشتی یا وەبەرهێنانێ ڤەیە ل پارێزگەها دهۆکێ.

 

زانیاریێن زێدەتر: بۆ فەرمانگەها نوی یا وەبەرهێنانێ ڕێڤەبەرەک هاتیە دانان و بڕیارە 25 کەس ژی لدویڤ کار و مەرجێن پێتڤی بهێنە دامەزراندن.

 

باکگراوند: ل سنوورێ پارێزگەها دهۆکێ ڕێڤەبەریا گشتی یا وەبەرهێنانێ هەیە و ل سنوورێ ئیدارا سەربەخۆیا زاخۆ ژی فەرمانگەها وەبەرهێنانێ بوویە ڕێڤەبەریا گشتی و ئەڤە ئێکەم جارە فەرمانگەها وەبەرهێنانێ ل قەزایەکا دهۆکێ دهێتە ڤەکرن.