یەکێک لە قاچاخچییە مەترسیدارەکانی ماددەی هۆشبەر لە ئوردن دەستگیرکرا

ئاڤا نیوز 

ئاسایشی ئوردن، دەستگیرکردنی مەترسیدارترین قاچاخچی ماددەی هۆسبەری ڕاگەیاند.

وێنە گەورەكە: ئەو قاچاخچییە لە دەوروبەری قەزای روەیشد لە ڕۆژهەڵاتی ئوردن بووە،  کە ناوچەیەکی سنوورییە، لەوێوە بازرگانیی لەگەڵ قاچاخچییەكانی سعودیە و عێراق و سووریا کردووە. 

لێدوانی فەرمی: ڕائید عامر سەرتاوی، گوتەبێژی بەڕێوەبەرایەتی ئاسایشی گشتی ئوردن ڕایگەیاند: هێزێکی ئاسایشی تایبەت، دوای کۆکردنەوەی زانیاریی و دیاریکردنی شوێنی یەکێک لە مەترسیدارترین بازرگان و قاچاخچییەکانی ماددەی هۆشبەر، توانییان ئەو قاچاخچییە لە ناوچەی ڕوەیشد دەستگیر بكەن.

زانیاریی زیاتر: بە گوتەی پۆلیسی ئوردن، دەست بەسەر 125 کیسە حەشیش و 53 هەزار حەبی هۆشبەر و بڕێک  کریستاڵ و سێ چەکی ئاگرین دا گیراوە و لێکۆڵینەوە دەستیپێکردووە، داواکراو هەوڵی داوە ڕووبەرووی پۆلیس ببێتەوە بەڵام بە برینداری دەستگیرکراوە.