کۆمیسیۆن بۆ هەڵبژرادن پێویستی بە زیاتر لە 45 هەزار کارمەند هەیە

ئاڤا نیوز

کۆمیسیۆنی باڵای سەربەخۆی هەڵبژاردنەکانی عێراق، جارێکی دیکە لینکی تۆمارکردنی کارمەندانی کۆمسیۆن بۆ ڕۆژی هەڵبژاردنی پەرلەمانی کوردستان کارا دەکاتەوە.

وێنە گەورەکە: سەرۆکایەتی هەرێمی کوردستان ڕۆژی 20-10-2024ی وەک ڕۆژی هەڵبژاردنی پەرلەمانی کوردستان دیاری کردووە.

لێدوانی فەرمی: ئەحمەد مازن، بەڕێوەبەری ڕاگەیاندنی لقی هەولێری کۆمیسیۆنی باڵای سەربەخۆی هەڵبژاردنەکانی عێراق بۆ ئاڤا نیوز گوتی: لەڕۆژی 4-7-2024 جارێکی دیکە بۆ ماوەی 19 ڕۆژ ئەو لینکە کارا دەکەینەوە، کۆمسیۆن بۆ ڕۆژی هەڵبژاردن پێویستی بە زیاتر لە 45 هەزار کارمەند هەیە.

ئەوەی پێویستە بیزانیت: ئەوانەی داواکاری پێشکەش دەکەن پێویستە ڕۆژی لەدایکبوونیان لە سەرووی 1969 بێت و کەمترین تەمەن لەدایکبووانی 2005 دەتوانن فۆڕمەکە پڕبکەنەوە، هەموو فەرمانبەر و دەرچوویەکی زانکۆ و پەیمانگە جگە لە کارمەندانی هێزە ئەمنییەکان دەتوانن داواکاری پێشکەش بکەن.

باکگراوند: ڕۆژی چواری نیسانی ئەمساڵ کۆمیسیۆن بۆ ماوەی 16 ڕۆژ لینکی دامەزراندنی کارمەندانی ڕۆژی هەڵبژاردنی کارا کرد، بەڵام بەهۆی دووبارەی دیاریکردنی وادەیەک بۆ هەڵبژاردنی پەرلەمانی کوردستان، ئەو لینکە جارێکی دیکە کارا دەکرێتەوە.