ئەو زەوییانەی دەدرێنە فەرمانبەران دەستبەجێ تاپۆ دەکرێن

ئاڤا نیوز

 

ئەو زەوییانەی بەسەر فەرمانبەران دابەش دەکرێن، مامەڵەی تاپۆیان بۆ دەکرێت و پاشان ڕادەستیان دەکرێت، نرخی تاپۆش لە نێوان 400 هەزار بۆ ملیۆنێک دینار دەبێت.

 

وێنە گەورەکە: دوای 18 ساڵ ڕاگرتنی دابەشکردنی زەوی بەسەر فەرمانبەران، سەرۆکوەزیران بارزانی ئەمساڵ بڕیاری  دا زەوی بەسەر فەرمانبەران دابەش بکرێت.

 

لێدوانی فەرمی: سەربەست مەولوود، بەڕێوەبەری گشتیی کاروباری یاسایی لە وەزارەتی شارەوانی بە ئاڤا نیوزی گوت: هەر فەرمانبەرێک ناوی بۆ زەوی دەربچێت، کاروباری تاپۆی زەوییەکەی تەواو دەکرێت ئینجا پێی دەدرێت.

 

خاڵی ئەرێنی: پرۆسەی ئامادەکاری بۆ دابەشکردنی زەوی بەردەوامە، بەڵام کاتی پێویستە و هەموو هەوڵێک دەدرێت ئەمساڵ دەستپێبکات.

ژمارەکان وادەڵێن: لە هەرێمی کوردستان 697 هەزار و 190 فەرمانبەری هەمیشەیی هەیە. بڕیارەکە نزیکەی 30%ی فەرمانبەران (200 هەزار کەس) دەگرێتەوە و لە سنووری جوگرافی کارکردنیان زەوییان پێدەدرێت.

ئەوەی پێویستە بیزانیت: ڕووبەری تەرخانکراوی زەوی 200 م2 دەبێت، نرخی هەر مەترێکی لەنێو پارێزگا پێنج هەزار دینار، لە قەزاکان سێ هەزار دینار و لە ناحییەکان دوو هەزار دینار دەبێت.