وردەكاری هێرشكردنە سەر بارەگای لقی سێی پارتی لە كەركووک

ئاڤا نیوز  

بارەگای لقی پارتی لە کەرکووک بەرەبەیانی ئەمڕۆ لە دوو ئاڕاستەوە تەقەی لێکراوە، لەلایەن پاسەوانانی بارەگاکەوە وەڵام دراوەتەوە و هیچ زیانێکی گیانی نەبووە.

وێنە گەورەکە: بەرەبەیانی ئەمڕۆ شەممە لە دوو ئاراستەوە تەقە لە بارەگای لقی سێی پارتی دیموکراتی کوردستان، لە گەڕەکی ئەحمەد ئاغا لە شاری کەرکووک کرا و لەلایەن پاسەوانانی بارەگاکەوە وەڵام درایەوە. 

لێدوانی فەرمی: محەممەد کەمال، بەرپرسی لقی سێی پارتی لە کەرکووک، بە ئاڤا نیوزی گوت: کاتژمێر (3:00)ی بەرەبەیانی ئەمڕۆ لە دوو ئاراستە و بە دوو شێواز تەقە لە بارەگای لقمان کراوە، ئاراستەیەک بە چەکی جۆری قەناس و ئاراستەیەکی دیکەش دەستڕێژی گوللە بووە و هێرشەکە بۆ سەر خاڵێکی پاسەوانیی بەشی پشتەوەی بارەگاکەمان بووە.

زانیاریی زیاتر: پێشووتر زانیاریمان هەبوو کە تیرۆریستانی داعش بەنیازی هێرشکردنە سەر بارەگای لقن، مەبەستی هێرشەکە هاتنە ناوەوە بووە بۆ نێو بارەگاکەمان، بەڵام هێرشکارەکان لەلایەن پاسەوانەکانی لقەوە وەڵامیان دراوەتەوە و شەڕە تەقە ڕوویداوە و دواتر هێرشکارەکان هەڵاتوون.محەممەد کەمال وای گوت.

ئەمەش بزانە: هێرشەکە هیچ زیانێکی گیانی لێ نەکەوتووەتەوە و شوێنەواری چەند گوللەیەک بە خاڵی پاسەوانیی بارەگای لقەوە دیارە.