موقتەدا سەدر ئامادەکاری بۆ هەڵبژاردن دەکات

ئاڤا نیوز

 

 گوتەبێژی پێشووی ڕەوتی نیشتمانی شیعە (ڕەوتی سەدر) ڕایگەیاند، موقتەدا سەدر دەگەڕێتەوە گۆڕەپانی سیاسی و پێشبینی دەکرێت لە کۆتایی ئەمساڵدا هەڵبژاردنی پێشوەختەی پەرلەمان بکرێت.

 

وێنە گەورەکە: دوای کشانەوەی لە پرۆسەی سیاسی عێراق لە ساڵی 2022، پێشبینی دەکرێت موقتەدا سەدر لە هەڵبژاردنی داهاتووی پەرلەمانی عێراقدا بەبەهێزی بگەڕێتەوە گۆڕەپانی سیاسی.

 

ڕاگەیێنراوی فەرمی: عەبدولهادی دەراجی، گوتەبێژی پێشووی ڕەوتی نیشتمانی شیعە کە موقتەدا سەدر ڕابەرایەتیی دەکات، لە چاوپێکەوتنێکی تەلەڤزیۆنیدا گوتی، محەممەد شیاع سوودانی پەیوەندیی لەگەڵ موقتەدا سەدر ئەنجامداوە ڕەنگە ببنە هاوپەیمانی یەکتری. 

 

زانیاریی زیاتر: بەهۆی ناکۆکی سیاسییەوە، چاوەڕوان دەکرێت لە کۆتاییەکانی ئەمساڵ هەڵبژاردنی پێشوەختەی عێراق بەرێوەبچێت، عەبدولهادی دەراجی وای گوت. 

 

ئەوەی پێویستە بیزانیت: بەگوێرەی گوتەبێژی پێشووی ڕەوتی نیشتیمانی شیعە، ئەگەر موقتەدا سەرد بەشداری لە هەڵبژاردندا بکات، 82 کورسی بەدەست دەهێنێت.