سەرۆکوەزیران بارزانی داواکارییەکی دیکەی هەڵەبجەییەکان جێبەجێ دەکات

ئاڤا نیوز

 

بڕیاری گەڕانەوەی %20 داهاتی دەروازەکانی پشتە و تەوێڵە بۆ خەزێنەی پارێزگای شارەکە جێبەجێ دەکرێت و، بەشی زۆری داهاتەکەش بۆ خزمەتگوزاری دەروازەکان تەرخاندەکرێت.

 

وێنە گەورەکە: لە چوارچێوەی سەردانی سەرۆکوەزیران بارزانی بۆ پارێزگای هەڵەبجە، ئیدارەی شارەکە نۆ داواکارییان خستە بەردەم سەرۆکوەزیران بارزانی و زۆرینەیان چوونەتە بواری جێبەجێکردن.

 

لێدوانی فەرمی: کاوە عەلی؛ جێگری پارێزگاری هەڵەبجە بە ئاڤا نیوزی ڕاگەیاند، "ئەو داهاتەی دەگەڕێتەوە بە پلەی یەکەم بۆ خزمەتکردنی دەروازەکان خەرجدەکرێتەوە، ئەو بەشەی دەمێنێتەوە بۆ پڕۆژە خزمەتگوزارییەکان تەرخاندەکرێت."

 

زانیاریی زیاتر: لە هەوڵداین بۆ ئەوەی دەروازەکانی سازان و مڵەخوردیش بکرێنەوە، بەمەش ژمارەی دەروازەکان زیاتر دەبن و  داهاتی زیاتر بەردەست دەبێت، جێگری پارێزگاری هەڵەبجە وای گوت.