فەرزاد و دونیا "یاری شیرینم" بڵاودەكەنەوە

ئاڤا نیوز

 ‎هونەرمەند فەرزاد مێهدی نیا بەهاوکاری دونیا، ڕۆستەمی گۆرانی یاری شیرینم بڵاو دەکەنەوە.

‎ئەوەی پێویستە بیزانیت: فەرزاد مێهدی نیا خەڵکی شاری مەریوانی ڕۆژهەڵاتی کوردستانەو ئێستا لە سوێد ژیان بەسەر دەبات.

‎لێدوانی تایبەت: فەرزاد مێهدی نیا بە ئاڤانیوزی گوت:ئەم بەرهەمە کارێکی فۆلکلۆرەو هۆنراوەکەی لەلایەن حوسەین خورا نووسراوەو کاری دابەشکردنی مۆسیقای لەلایەن کەسرا کاوە بۆ کراوە، دەرهێنەری ئەم بەرهەمە سەیوان فەتحییە و لەشارۆچكەی نۆدشەی هەورامان کاری وێنەگرتنی بۆ کراوە.

‎باكگراوند: فەرزاد مێهدی نیا ماوەی 10 ساڵە کاری هونەری دەکات و لەم ماوەیەشدا دوو ئەلبووم و 10 سینگل تراکی بەرهەم هێناوە.