سەرۆکوەزیرانی عێراق: ناوچەکە لەژێر مەترسییەکی گەورە دایە

ئاڤا نیوز

 

سەرۆکوەزیرانی عێراق ڕایدەگەیەنێت، هەمیشە هۆشداریمان داوە کە ناوچەکە و جیهان لەژێر مەترسیی فراونبوونی گۆڕەپانی ململانێکان دایە.

 

چیرۆکی سەرەکی: سەرۆک وەزیرانی عێراق بەشداریی نوێژی هاوبەشی بۆ گەیشتن بە سەقامگیری لە ناوچەکەدا کرد لە کەنیسەی کلدانی سانت یوسف لە نێوەڕاستی بەغدا.

 

لێدوانی فەرمی: محەمەد شیاع سوودانی، سەرۆکوەزیرانی عێراق لە میانی ڕێوڕەسمەکە گوتارێکی پێشکەش کرد و ڕایگەیاند: "ئێستا لە هەموو کاتێک زیاتر پێویستیمان بە یەکڕیزییە. زیاتر لە 10 مانگە فەلەستینییەکان دەکرێنە ئامانج و ڕووبەڕووی کوشتن و کاولکاری بوونەتەوە".

 

زانیاریی زیاتر: سوودانی دەڵێت: "دەستدرێژیی زایۆنیستەکان بۆ سەر غەززە مەترسی لەسەر سەقامگیریی ناوچەکە و جیهان دروست کردووە، لەگەڵ دۆستانمان لە ناوچەکە بەردەوامین بۆ ئەوەی ڕێگری لە پەرەسەندنەکان بکەین".

گۆشەیەکی دیکە: "جەخت لە هەڵوێستی خۆمان بۆ پاراستنی ئاسایش و سەقامگیریی عێراق دەکەینەوە و ڕێگە بە هیچ لایەنێک نادەین دەستوەردان لە وڵاتەکەماندا بکات". سوودانی ئەمەشی گوت.