ئۆپەراسیۆنی سەربازیی ئیسرائیل لە غەززە كۆتایی هات

ئاڤا نیوز

 

بەرپرسانی ئیسرائیل ڕایدەگەیێنن، ئاگربەست دەستی پێ کردووە و تەواوی ئۆپەراسیۆنی زەمینی ئیسرائیل لە کەرتی غەززە کۆتاییهات.

 

وێنە گەورەکە: دوای 10 مانگ لە بەردەوامبوونی شەڕ لەنێوان ئیسرائیل و  گرووپی چەکداریی حەماس لە غەززە، لە ڕێکەوتی 15-08-2024 دانوستانەکانی تایبەت بە ئاگربەستی غەززە و ئازدکردنی بارمتەکان لە دەوحەی پایتەختی قەتەر دەستیان پێ کردووە. 

 

لێدوانی فەرمی:  بەرپرسانی ئەمنی بۆ دەستەی پەخشی ئیسرائیل ڕایانگەیاند: ئۆپەراسیۆنەکانی سوپای ئیسرائیل بە گشتی لە غەززە کۆتاییان هاتووە.

 

بۆچی گرنگە: هەوڵەکان بۆ گەیشتن بە ئاگربەستی یەکجاری لە غەززە بەردەوامە و بڕیارە لەم هەفتەیەدا یەکلایی بکرێتەوە.

 

ژمارەکان وا دەڵێن: بەپێی نوێترین ئاماری وەزارەتی تەندرووستی لە غەززە، لە حەوتی ئۆکتۆبەری ساڵی ڕابردووەوە تاوەکو ئێستا ژمارەی کوژراوانی غەززە 40 هەزار کەسی تێپەڕاندووە، هاوکات سوپای ئیسرائیل ڕایگەیاندوە، کۆی ژمارەی کوژراوانی سوپاکەی گەیشتووەتە نزیکەی 700 سەرباز.