زیارەتكاران لە كەربەلا شەوانە لەسەر شەقام و شۆستەكان دەمێننەوە

ئاڤا نیوز

بەهۆی نەمانی شوێنی حەوانەوە و قەرەباڵغی لە کەربەلا، بەشێكی زۆر لەزیارەتكاران  شەوانە لەسەر شەقام و شۆستەكان دەمێننەوە .

وێنە گەورەکە: بەبۆنەی چلەی ماتەمینی ئیمام حوسێن، ملیۆنان زیارەتکاری عێراقی و بیانی سەردانی مەزارگەی ئیمام حوسێن لە شاری کەربەلا دەکەن، ئەمەش جەنجاڵییەكی زۆری دروست كردووە .

زانیاریی پەیامنێر: ڕۆکان مەحموود، پەیامنێری ئاڤا نیوز ڕایگەیاند: ژمارەی زیارەتكارانی بیانی بەتایبەت ئێرانی ڕوو لەزیادبوونە ، ئەمەش قەیرانی شوێنی حەوانەوەی لەهۆتێلەكان درووست كردووە، بەشێكی زۆر لەزیارەتكاران شەوانە لە شەقام و شۆستەكان و شوێنە گشتییەكان دەمێننەوە.

زانیاریی زیاتر: ئێستا دوو لەكۆی سێ بازنەی چوونە نێو شاری كەربەلا داخراون بەڕووی هاووڵاتیاندا ، بۆ چوونە نێو مەزارگەی ئیمام حوسێنیش تەنیا ڕێگە بە زیارەتكارانی بیانی دەدرێت.

ژمارەکان وادەڵێن: وەزارەتی ناوخۆی عێراق، نوێترین ئاماری هاتنی زیارەتکارانی لە دەروازە سنوورییەکانی عێراق بڵاوکردەوە و ڕایگەیاند، ژمارەکە گەیشتووەتە نزیكەی سێ ملیۆن زیارەتکار.