پۆلیسی ئەڵمانیا مێرمنداڵێک بەتۆمەتی هێرشەکەی زولگین دەستگیر دەکات

ئاڤا نیوز

پۆلیسی ئەڵمانیا مێرمنداڵێکی تەمەن 15 ساڵ بەتۆمەتی ئەنجامدانی هێرشی سەر فێستیڤاڵەکەی شاری زولگین دەستگیر دەکات.

 

چیرۆکی سەرەکی: ئەمڕۆ شەممە لە شاری زولگینی ڕۆژئاوای ئەڵمانیا، کەسێک بە چەقۆ هێرشی کردە سەر فێستیڤاڵێک، سێ کەسی کوشت و چواری دیکەی بریندار کرد.

لێدوانی فەرمی: پۆلیسی ئەڵمانیا ڕایگەیاند، هێرشکارەکە مێرمنداڵێکی تەمەن 15 ساڵ بووە و دەستگیرکراوە،  بەڵام نازانرێت کێ لەپشت هێرشەکەوە بووە و کێ مێرمنداڵەوکەی بەکارهێناوە. 

لەلایەکی دیکەوە: ئۆلاف شۆڵز، ڕاوێژکاری ئەڵمانیا ڕایگەیاند، تۆمەتبارەکە بەپێی یاسا سزا دەدرێت. 

ئەمەش بزانە: ڤێستیڤاڵەکە بەبۆنەی 650یەمین ساڵیادی دامەزراندنی شارەکە سازکرابوو، بڕیاربوو لە ڕۆژانی داهاتووشدا بەردەوام بێت، بەڵام هەڵوەشایەوە.