نرخی زێڕ لە مامەڵەکانی ئەمڕۆدا سەقامگیر بوو

ئاڤا نیوز

دوای لێدوانەکانی سەرۆکی ئەنجوومەنی یەدەگی فیدراڵی ئەمریکا، نرخی زێڕ لە مامەڵەکانی یەکەم ڕۆژی ئەم هەفتەیەدا سەقامگیر بوو.

چیرۆکی سەرەکی: نرخی ئۆنسێک زێڕ لە گرێبەستە خێراکاندا بە ڕێژەی سەدا 0.09 بۆ 2510 دۆلار دابەزی، لە گرێبەستەکانی داهاتووشی بۆ مانگی کانوونی یەکەم گەیشتە 2545.5 دۆلار. 

هۆکارە زانراوەکان: بەگوێرەی ڕاپرسییەکی سی ئێم ئەی فیدواچ، سەدا 64ـی مامەڵەکاران پێشبینی دەکەن لە کۆبوونەوەی مانگی داهاتوودا، یەدەگی فیدراڵی ئەمریکا نرخی سوو بە بڕی 25 خاڵی سەرەکی دابەزێنێت، لەبەرامبەردا 36٪ـی شارەزایان پێشبینی دەکەن یەدەگی فیدراڵی بە بڕی 50 خاڵی سەرەکی دابەزێنێت. 

 

وێنە گەورەکە: هاوتا لەگەڵ جووڵەی زێڕ، نرخی زیو بە ڕێژەی 0.35 بۆ 30.15 دۆلار بۆ هەر ئۆنسێک دابەزی، نرخی پلاتینیش بە ڕێژەی 0.25 بۆ 936.35 دۆلار بۆ هەر ئۆنسێک دابەزی. لەبەرامبەردا پێنوێنی دۆلار کە پێوەری سەبەتەی شەش دراوە سەرەکییەکەیە گەیشتە 100.74 خاڵ.

ئەوەی پێویستە بیزانیت: بەدرێژایی ئەمساڵ نرخی ئەو کانزا زەردە بە گشتی 20٪ بەرزبووەتەوە، هۆکاری سەرەکیش پێشبینییەکانە بە دابەزاندنی نرخی سوو لەلایەن یەدەگی فیدراڵی ئەمریکاوە.